Escola de Ledoño: maio 2019

MACCRA: 31 DE MAIO DE 2019

TEDES PLANS PARA O VENRES??

NÓS PROPOÑÉMOSVOS UN PLAN CHEO DE XOGOS E DE DIVERSÓN, DE ARTE E DE ACCIÓN: O NOSO MUSEO DE ARTE CONTEMPORÁNEA DO CRA DE CULLEREDO.

ABERTO O NOSO MACCRA A TODA PERSOA QUE TEÑA A BEN VIR A DESFRUTAR DA ARTE CONTEMPORÁNEA: VENRES DE 16:30 A 19:30 HORAS NA REITORAL DA TORRE DE CELAS, EN CELAS DE PEIRO, CULLEREDO.

CONVIDÁMOSVOS EN VÍDEO SE OLLADES O CÓDIGO QR DO CARTAZ ;-)

VIDE!

AQUÍ VOS DEIXAMOS O VÍDEO-RESUMO DE TODO CANTO EXPERIMENTAMOS NO MACCRA: LUCES E SOMBRAS, CROMA, HOLOGRAMAS, MAPAS E RUTAS, ROBÓTICA ARTÍSTICA, EXPERIMENTACIÓN EN COLUMPIO... GRAZAS A CARMEN (DO CONCELLO), A CHEMA (PROFESOR DE ARTE DA UNIVERSIDADE DE A CORUÑA), AO PROFESORADO DO CRA POLO TRABALLO REALIZADO, ÁS FAMILIAS E COMUNIDADE DO CRA POR ACHEGARSE ESTE VENRES CALUROSO, A EXCOMPAÑEIROS E NOVOS COMPAÑEIROS POLA AXUDA NA RECOLLIDA...

EN DEFINITIVA, POR FACER UN MUSEO DE ARTE CONTEMPORÁNEA DESDE OS CIMENTOS. ESPERAMOS QUE VOS GUSTARA A EXPERIENCIA!

24 DE MAIO: CONTACONTOS PARA CONCIENCIAR SOBRE A CELIAQUÍA

HOXE VENRES 24 DE MAIO TIVEMOS A VISITA DA ASOCIACIÓN DE PERSOAS CELÍACAS DE CULLEREDO. EN COLABORACIÓN CO CONCELLO, VIÑERON Á ESCOLA DE LEDOÑO PARA CONTARNOS UN CONTO. O PROPÓSITO É DAR A COÑECER A CELIAQUÍA E A SÚA NORMALIZACIÓN, SENSIBILIZAR SOBRE A IMPORTANCIA DA ALIMENTACIÓN, DO RESPECTO E DAS NECESIDADES DESTE COLECTIVO.

PREGUNTAMOS SOBRE OS SEUS HÁBITOS, RESOLVIMOS DÚBIDAS E AMAIS DE PASAR UN BO RATIÑO... DÉRONNOS ALGÚNS AGASALLOS!

UN DÍA MÁIS APRENDENDO ALGO NOVO E DE FORMA DIFERENTE.

OS NOSOS AGRADECEMENTOS AO CONCELLO E Á ASOCIACIÓN.

VISITAMOS A CASA-TALLER DE PUCHO: ARTISTA ARTESÁN EN LEDOÑO

HOXE TIVEMOS A SORTE DE IR VISITAR A CASA-TALLER DUN AVÓ DE LEDOÑO: O AVÓ DE ANTÓN, PUCHO!
PESE A AFIRMAR E REITERAR QUE NON É ARTESÁN, AS SÚAS OBRAS FALAN POR EL E NON LLE DAN A RAZÓN.

EL E NIEVES, A AVOA DE ANTÓN, CONVIDÁRONNOS A DAR UN PASEO POR LEDOÑO, A APRENDER SOBRE MATERIAIS, SOBRE TÉCNICAS DE TRABALLO SOBRE A MADEIRA, HISTORIA DE LEDOÑO... AMAIS, TIVEMOS A SORTE DE PODER SERRAR, LIMAR, LIXAR, TOCAR AS PEZAS DE ARTESANÍA, XOGAR CON ELAS... E MESMO MERENDAR UN RICO BISCOITO RECÉN FEITO PARA NÓS POR NIEVES.
COMO PECHE: AGASALLOS! UNS FERMOSOS COLGANTES FEITOS A MAN CON CARIÑO E PACIENCIA.

PASAMOS UNHA XORNADA XENIAL: APRENDIMOS E ADEMAIS COMIMOS E PASEAMOS... UN AUTÉNTICO PRACER!!!

QUE SORTE TER ARTISTAS EN LEDOÑO!
GRAZAS, PUCHOOOOO!!!

16 DE MAIO: ROMARÍA DAS LETRAS GALEGAS 2019

ESTE ANO DEDICAMOS O DÍA DAS LETRAS GALEGAS A ANTONIO FRAGUAS. TRABALLAMOS SOBRE EL, A SÚA OBRA E A SÚA FACETA COMO ANTROPÓLOGO. AMAIS, ESTIVO PRESENTE NESTA ROMARÍA DAS LETRAS GALEGAS.

DEIXAMOS AQUÍ OS VÍDEOS DAS ACTUACIÓNS REALIZADAS DESDE A ESCOLA DE LEDOÑO E EN CONXUNTO CON TODO O CRA ASÍ COMO UN RESUMO DE TODA A XORNADA: XOGOS, CANTIGAS, COMIDA CONXUNTA COAS FAMILIAS E XOGOS PARA ELAS.

GRAZAS POR FACER POSIBLE, UN ANO MÁIS, A NOSA ROMARÍA D'ENCANTO!

FELICES LETRAS GALEGAS 2019

CONCERTO DE MAMÁ CABRA: 13 DE MAIO DE 2019

ESTA MAÑÁ TIVEMOS A OPORTUNIDADE DE DISFRUTAR UN CONCERTO DE MAMÁ CABRA NUN LUGAR PRIVILEXIADO: O TEATRO COLÓN, EN A CORUÑA. ARTE POR TODAS PARTES: MÚSICA, ESCULTURA, ARQUITECTURA, PINTURA...

ESTIVEMOS ESCOITANDO, APLAUDINDO, CANTANDO E BAILANDO CANCIÓNS DE SEMPRE E CANCIÓNS NOVAS.

VISITA Á PEPATECA!

HOXE VENRES DÍA 10 FIXEMOS UHNHA XUNTANZA NA PEPATECA PARA COMPARTIR CONTOS, VER O STOPMOTION CREADO A PARTIRES DO CONTO ELABORADO ENTRE TODAS AS ESCOLAS, OBRADOIROS VARIADOS DE 3D, DE IPAD, DE MANUALIDADES, DE PSICOMOTRICIDADE E DE COCIÑA! AMAIS, TIVEMOS A VISITA XENIAL DE EDGAR ORTIZ E CREAMOS UNHA OBRA DE ARTE COLABORATIVA COA SÚA BATUTA.

UNHA GRAN XORNADA DE XOGOS, DE COMIDA CASEIRA RECÉN FEITA E DE ARTE, MOITA ARTE!

ARTE EN 3D

ESTA MAÑÁ TIVEMOS A VISITA DE BEATRIZ, A NAI DE MANUEL. ENSINOUNOS COMO CREAR OBRAS DE ARTE EN TRES DIMENSIÓNS CON INGREDIENTES NATURAIS: FARIÑA, SAL, FERMENTO, COLORANTE ALIMENTICIO E AUGA.

SIMPLEMENTE XENIAL! GRAZAS, BEATRIZ!