DÍA INTERNACIONAL DO LIBRO

UNHA DAS TAREFAS INTEGRADAS PROPOSTAS DENDE A BIBLIOTECA DURANTE O 2º TRIMESTRE, FOI ELABORAR ENTRE TODAS AS ESCOLAS, UN CONTO ACUMULATIVO NO QUE TIÑAMOS QUE CREAR UNHA PERSONAXE. 

A ESCOLA DE LEDOÑO CREOU Á MOFETA ROSA QUE A DEBUXAMOS A TRAVÉS DA APP "DOODLE 3D" E IMPRIMIUSE NA IMPRESORA 3D. 

ESTA ACTIVIDADE PASARÍA A FORMAR PARTE DA CONMEMORACIÓN DO DÍA DO LIBRO.

O 23 DE ABRIL, CONMEMÓRASE O DÍA INTERNACIONAL DO LIBRO.

O EQUIPO DA BIBLIOTECA DO CRA, PROPUXO ACTIVIDADES PARA AS ESCOLAS E TAMÉN PARA AS FAMILIAS. PODEDES VELAS TODAS PINCHADO AQUÍ.

O ALUMNADO DO CRA DECOROU UN MARCAPÁXINAS ELABORADO NA IMPRESORA 3D, QUE LEVARON DE AGASALLO.

AVENTUREIRA SABELA EN XAPÓN

DESPOIS DE NAVEGAR DURANTE 15 DÍAS, SABELA CHEGOU A TOQUIO!

DENDE ALÍ, ENVIOUNOS UN AUDIO E UNHA CAIXA NA QUE HABÍA UN KAMISHIBAI E UNHA HISTORIA DE XAPÓN "GAITO KAMISHIBAIYA"

DESPOIS DE QUE O PROFE IVÁN NOS CONTARA O CONTO, GRAVAMOS UN ANACO DO CONTO EN GALEGO E ENTRE TODAS AS ESCOLAS COMPLETÁMOLO. PODEDES VELO PINCHADO AQUÍ.

UNHA VEZ QUE TIÑAMOS A MISIÓN FEITA, RECIBIMOS UNHA POSTAL DE SABELA E NOTICIAS SOBRE O NOSO TESOURO! MIRADE O VIDEO.

AGORA QUEDA AGARDAR 7 DÍAS PARA DESCUBRIR NOVAS DENDE OS ESTADOS UNIDOS DE AMÉRICA.

BOA VIAXE SABELA!

A HORTA

ANTES DE MARCHAR DE VACACIÓNS, PLANTAMOS NA HORTA UNS SEMILLEIROS QUE NOS REGALARON DE XUDÍAS E BRÓCOLI.

FIXEMOS OS REGOS, BURATOS PARA CADA SEMENTE E DESPOIS, A REGAR!

POR ACORDO DE TODAS E TODOS, DANI QUEDOU ENCARGADO DE REGAR A HORTA NOS DÍAS QUE NON TIVEMOS ESCOLA.

CANDO VOLTAMOS DAS VACACIÓN VIMOS QUE A NOSA PLANTACIÓN MEDRARA, PERO TAMÉN AS HERBAS... POR ISO, ANTES DE REGAR, ESTIVEMOS QUITANDO UNHAS POUCAS HERBAS.

SEGUIMOS PLANTANDO ALGUNHA COUSA MÁIS NA NOSA HORTA, DESTA VEZ, PLANTAMOS UNHAS POUCAS CENORIAS E UNHAS FLORES QUE NOS REGALOU O AVÓ DE AARÓN, QUE TEMOS QUE COIDAR PARA VER DE QUE COR NACERÁN AS FLORES.

REGAMOS A HORTA A MIÚDO E VEMOS COMO VAN MEDRANDO TODO O QUE TEMOS PLANTADO. 

VAI QUEDANDO MENOS PARA PROBAR ALGUNHA COUSIÑA...

AVENTUREIRA SABELA EN AUSTRALIA

CANDO SABELA CHEGOU AO PORTO DE SIDNEY, EN AUSTRALIA, ENVIOUNOS UN AUDIO E UNHA CAIXA BASTANTE GRANDE.

DENTRO DA CAIXA ESTABA O XOGO DE TABOLEIRO DE THOMAS CO QUE XOGANDO, ATOPAMOS AS COORDENADAS DA ILLA AUSTRALIANA QUE TIÑA QUE VISITAR SABELA.

ENVIÁMOSLLE A SABELA AS COORDENADAS E NÓS INTRODUCÍMOLAS NO GOOGLE MAPS E DESCUBRIMOS A ILLA RAINE, DENDE ONDE SABELA NOS MANDOU UN VÍDEO.

COA NOVA INFORMACIÓN SABEMOS QUE SABELA TEN QUE IR A XAPÓN! ESTA VIAXE LEVARALLE 15 DÍAS DE TRAVESÍA.

BOA VIAXE!