PURA A TARTARUGA: 2ª MISIÓN

RECIBIMOS UNHA MENSAXE DE PURA ONDE NOS CONTABA QUE ESTABA AGOCHADA COS SEUS AMIGOS E AMIGAS, NUN BARCO AFUNDIDO PRETO DA TORRE DE HÉRCULES, PORQUE UN BARCO CHEO DE PETRÓLEO, TIÑA UNHA VERTEDURA AO MAR.

ISTO RECORDOUNOS A TRAXEDIA DO PRESTIGE QUE SUCEDEU FAI 20 ANOS E ESTAMOS PREOCUPADOS.

MENTRES QUE AGARDAN A QUE LIMPEN OS RESTOS DE PETRÓLEO, TAREIXA, A PEIXE LANTERNA, E O POLBO RODOLFO, PROPUXERON UN XOGO DE SOMBRAS.

PÍDENNOS AXUDA PARA XOGAR CON NOVAS IMAXES E NÓS, PENSAMOS E FIXEMOS ALGUNHAS NA AULA.

PERO PARA COMPLETAR A MISIÓN E CONSEGUIR O SEGUINTE ADHESIVO, PEDIMOS AXUDA ÁS FAMILIAS. PODEDES VER O QUE ENVIARON VISITANDO O BLOG DE PEPATECA.

TAREFA DE APRENDIZAXE INTEGRADA: AS TINTAS NATURAIS

CHEGOUNOS Á ESCOLA A PRIMEIRA DAS TAREFAS PROPOSTAS DENDE A BIBLIOTECA DO CRA RELACIONADAS CO PDI DESTE CURSO, D'XASTRES.

ESTA TAREFA VIÑA ACOMPAÑADA DE DOUS LIBROS NOS QUE DESCUBRIR AS DIFERENTES CORES E AS SÚAS TONALIDADES.

A INFORMACIÓN QUE APORTABA A TAREFA FALABA SOBRE AS TINTAS DAS ROUPAS E QUE A MAIORÍA SON TINTAS CHEAS DE PRODUCTOS QUÍMICOS QUE PODEN DANAR A PEL E MESMO O MEDIO AMBIENTE.

A TAREFA A REALIZAR FOI A DE INVESTIGAR CON QUE ELEMENTOS NATURAIS SE PODÍA TINGUIR TEA. MIRADE TODO O QUE FIXEMOS.

ENTRE TODAS AS AULAS, INTENTAREMOS CONSEGUIR AS DIFERENTES CORES QUE COMPOÑEN O LOGO DA AXENDA 2030, QUE RECOLLE OS 17 OBXECTIVOS PARA FACER UN PLANETA MÁIS SOSTIBLE.

PURA A TARTARUGA: 1ª MISIÓN

XA TEMOS A PRIMEIRA MISIÓN DE PURA!

TIVEMOS QUE ADIVIÑAR QUE A SÚA AMIGA, SUSA A MEDUSA, PRECISABA AXUDA.

DESCUBRIMOS QUE A CONTAMINACIÓN PROVOCA QUE O PLANETA SUBA DE TEMPERATURA. POR ISTO, HAI MOITAS PERSOAS COMO GRETA THUNBERG, QUE ESTÁN A ENVIAR MENSAXES ECOLOXISTAS PARA QUE TODO O MUNDO COÑEZA ESTA SITUACIÓN E FAGA ALGO POR CAMBIAR.

DENDE A NOSA ESCOLA CREAMOS UNHA MENSAXE E GRAVÁMOLA PARA UNILA COAS MENSAXES DAS OUTRAS ESCOLAS E ASÍ, PODER DIFUNDILA AO RESTO DA COMUNIDADE EDUCATIVA. PODEDES ESCOITALAS AQUÍ.

GRAZAS A ISTO, CONSEGUIMOS SUPERAR A 1ª MISIÓN E PEGAMOS A SUSA A MEDUSA NA NOSA CREDENCIAL.

MAGOSTO

O PASADO VENRES DÍA 4 DE NOVEMBRO CELEBRAMOS O MAGOSTO EN CELAS, NO ENTORNO DA TORRE.

FOI UN DÍA DE FESTA ONDE NOS XUNTAMOS CON TODAS AS NENAS E NENOS DAS ESCOLAS DO CRA E PASAMOS UNHA XORNADA DIFERENTE E DIVERTIDA.

XOGAMOS A XOGOS POPULARES, COMIMOS CASTAÑAS ASADAS E GOZAMOS DO ENTORNO DA TORRE DE CELAS.

PERO PARA COMER AS CASTAÑAS LEVAMOS UNHA "CESTA ESPECIAL" DECORADA POR NÓS REUTILIZANDO CARTÓNS DE LEITE.

SAMAÍN

CHEGOU O DÍA TAN ESPERADO!

DESPOIS DE IR CONTANDO TODOS OS DÍAS CANTOS DÍAS FALTABAN, XA ESTABAMOS PREPARADAS E PREPARADOS PARA FESTEXAR SAMAÍN!

FOI UN DÍA XENIAL!

PREPARANDO SAMAÍN

DURANTE TODA A SEMANA ESTIVEMOS FACENDO ACTIVIDADES PARA FESTEXAR O SAMAÍN.

DECORAMOS A AULA, PINTAMOS UN CASTELO ENCANTADO NA PORTA DO BAÑO E CONVERTEMOS UNHAS CABAZAS EN CABAZAS MONSTRUOSAS, UN FANTASMA E UNHA ARAÑA. 

DEBUXAMOS MONSTRUOS DUNHA MANEIRA DIFERENTE E TAMÉN TIVEMOS UN AGASALLO QUE NOS TROUXERON AS PROFES GUADA E RAQUEL DA SÚA VIAXE A SUECIA, UNS GLOBOS DE SAMAÍN QUE PASARON A FORMAR PARTE DA DECORACIÓN DA AULA, DESPOIS DE XOGAR UN ANACO CON ELES.

OS MONSTRUOS QUE FIXEMOS SOPRANDO TIVERON QUE ESPERAR PARA REMATALOS, PERO QUEDARON MOI TERRORÍFICOS!!

PURA A TARTARUGA

DESPOIS DE MOITOS MESES, RECIBIMOS UNHA MENSAXE DE MARTIÑO E TESTA, UN AMIGO E A SÚA CADELA COS QUE O CURSO PASADO COLABORAMOS E APRENDIMOS MOITAS COUSAS.

ATOPARON NA PRAIA A UNHA TARTARUGA CHAMADA PURA QUE NOS PEDIU COLABORACIÓN PARA REALIZAR UNHA SERIE DE MISIÓNS. PODEDES VER O VÍDEO SE PICADES AQUÍ.

COMPROMETÍMONOS CON PURA PARA AXUDALA NO QUE PRECISE E ELA ENVIOUNOS UNHA MENSAXE XUNTO A UNHAS CREDENCIAIS ECOLOXISTAS QUE CERTIFICARAN O NOSO COMPROMISO CO MEDIO AMBIENTE.

AGARDAMOS NOVA MENSAXE DE PURA E COMEZAR COAS MISIÓNS!

DIA DAS BIBLIOTECAS

O PASADO DÍA 24 DE OUTUBRO, CELEBROUSE O DÍA DAS BIBLIOTECAS ESCOLARES E ESTE CURSO O SEU LEMA É: "ESCRIBIR A BIBLIOTECA ESCOLAR".

DENDE A NOSA ESCOLA, APORTAMOS UNHAS PALABRAS QUE NOS SUXIRE A NOSA BIBLIOTECA DE AULA.

CADA ESCOLA FIXO O MESMO, E CON TODAS ELAS, QUIXEMOS IMITAR O CARTEL DESTE CURSO QUE FIXO BELÉN L. MÉNDEZ. QUEDOU MOI BONITO!

PODEDES VER A COMPOSICIÓN NO BLOG DA PEPATECA ONDE TAMÉN ATOPAREDES UN VÍDEO DA NOSA AVIONETA PEPA, GRAN PROTAGONISTA NESTE DÍA.   

BIBLIO DE AULA

O PROFE IVÁN PRESENTOUNOS A PEPA, A NOSA AVIONETA QUE PERTENCE Á BIBLIOTECA DO CRA.

EXPLICOUNOS QUE A NOSA BIBLIOTECA DE AULA SE ENCHE DE LIBROS DE LITERATURA, DE INVESTIGACIÓN, DE MÚSICA,... E CADA GRUPO TEN UNHA COR PARA DISTINGUILO. 

OS LIBROS TAMÉN TEÑEN UNHA LETRA QUE NOS AXUDA PARA TELOS COLOCADOS POR ORDE NA NOSA BIBLIO.

PREPARAMOS CADA UNHA E CADA UN A SÚA CARPETA QUE LEVAMOS CUN FONDO QUE ESCOLLEMOS TODOS OS VENRES, E TEMOS QUE TRAER DE VOLTA OS LUNS. PERO TAMÉN COMEZOU A VIAXAR POLAS CASAS A MOCHILA VIAXEIRA QUE PODEREDES DISFRUTAR DURANTE 15 DÍAS.

    

MANTEIS PARA A MERENDA

UN DOS CONTOS QUE LIMOS DURANTE O MES DE SETEMBRO FOI UN AGASALLO DIFERENTE, UNHA HISTORIA DE DOUS AMIGOS QUE POLO ANIVERSARIO SE AGASALLA UN ANACO DE TEA E CON EL PODEN FACER MOITAS COUSAS.

UNS DÍAS DESPOIS DE LER O CONTO, NA NOSA ESCOLA APARECEU UN AGASALLO AO LADO DO LIBRO E AO ABRILO, ATOPAMOS UNHA GRAN SORPRESA!

CONTANDO, CONTANDO

DURANTE OS PRIMEIROS DÍAS DE TEMPO COMPARTIDO, TAMÉN HOUBO TEMPO DE LER, E A TRAVÉS DOS CONTOS, COÑECIMOS CANCIÓNS E FIXEMOS ACTIVIDADES. AQUÍ PODEDES VER ALGUNHAS:

CO CONTO DE VIAXES DE KALANDRAKA, A PROFE LORE ENSINOUNOS UNHA CANCIÓN. SE PINCHADES NA IMAXE PODEDES ESCOITALA.

OUTRO DOS CONTOS QUE LIMOS FOI: UN FINAL INESPERADO DE TRAMUNTANA. UNHA HISTORIA MOI DIVERTIDA ONDE APARECEN PERSONAXES COÑECIDOS PERO TAMÉN OVELLAS, E UNHA MOI ESPECIAL: SUPEROVELLA.

DESPOIS DE ESCOITAR O CONTO, FIXEMOS AS NOSAS OVELLAS; PARA ISO UTILIZAMOS VARIAS TÉCNICAS E GUSTOUNOS MOITO O RESULTADO.

DESPOIS DE ESTAR UN TEMPO EXPOSTAS NA NOSA AULA, CADA UNHA E CADA UN, LEVOU A SÚA PARA A CASA.

TAMÉN VISIONAMOS O CONTO REPRESENTADO POR ALGÚNS DOS PROFES DO COLE QUE NON TEMOS CLARO SE RECOÑECEMOS A TODOS...

SE PICADES NA IMAXE, PODEREDES VELO.

XA COMEZAMOS

COMEZAMOS NOVO CURSO: BENVIDO CURSO 2022-2023!

CHEGARON Á ESCOLA DE LEDOÑO NOVAS COMPAÑEIRAS E COMPAÑEIROS E DURANTE UN TEMPO, ESTIVEMOS COÑECÉNDONOS, XOGANDO NOS NOVOS ESPAZOS, COS NOVOS MATERIAIS E COMPARTINDO TEMPO XUNTOS.