DÍA DAS LETRAS GALEGAS

O 17 DE MAIO CONMEMÓRASE O DÍA DAS LETRAS GALEGAS. ESTE ANO COÑECIMOS O NOME DO AUTOR HOMENAXEADO A TRAVÉS DUN CÓDIGO NUMÉRICO; UN CÓDIGO A PARTIR DO ALFABETO GALEGO. DESCUBRIMOS QUE HAI DIFERENZAS ENTRE O ALFABETO GALEGO E O CASTELÁN, POR EXEMPLO, NON TEÑEN O MESMO NÚMERO DE LETRAS.


ESTE ANO O AUTOR É FLORENCIO DELGADO GURRIARÁN.


LEMOS UN DOS SEUS POEMAS, APRENDENDO PALABRAS NOVAS EN GALEGO. PALABRAS QUE DESPOIS UNIMOS COAS IMAXES CORRESPONDENTES XOGANDO CO ESCORNABOT.

 
PARA REMATAR, FIXEMOS UN CARTEL CUNHA ESTROFA DO POEMA DE FLORENCIO ACOMPAÑADA DUNS DEBUXOS.



A ROMARÍA DO NOROESTE

O VENRES 20 DE MAIO, FESTEXAMOS ENTRE TODOS E TODAS, A ROMARÍA DAS LETRAS GALEGAS NA TORRE DE CELAS.

FOI UN DÍA ESTUPENDO E CHEO DE EMOCIÓNS!

COMEZAMOS XOGANDO ALGÚNS XOGOS TRADICIONAIS, BAILAMOS, XANTAMOS COAS NOSAS FAMILIAS E POLA TARDE, OBRADOIROS EN FAMILIA.

CON TODO O FEITO POR NÓS NOS OBRADOIROS E TODO ENGALANADO, CHAMAMOS POLA MOUCHA POR SI SE ANIMABA A BAIXAR A VISITARNOS

E VAIA SE BAIXOU! ATA NOS SORPRENDEU CUN AGASALLO QUE NOS GUSTOU MOITO! UNHA REPRESENTACIÓN TEATRAL!

FOI UNHA XORNADA ESTUPENDA!


MOITAS GRAZAS A TODAS E TODOS POR ACHEGARVOS A COMPARTIR CON NÓS ESTE DÍA!

PINTAMOS PEDRAS E FACEMOS PAPIROFLEXIA

ESTIVEMOS EXPERIMENTANDO PINTANDO PEDRAS E GUSTOUNOS MOITO.

DESPOIS DE ESCOITAR A LENDA DA MOUCHA E COÑECER QUE A ELA OU EL LLE GUSTABAN AS PEDRAS, PENSAMOS EN LEVAR AS QUE DECORAMOS Á ROMARÍA E ASÍ, AO MELLOR AS VÍAS E SE ACHEGABA A CELAS, QUEN SABE.

TAMÉN ESTIVEMOS PROBANDO A FACER ANIMAIS CON PAPEL, PAPIROFLEXIA. FIXEMOS UN RAPOSO E UN CAN. DECIDIMOS LEVALOS TAMÉN O VENRES Á ROMARÍA PORQUE AO MELLOR TAMÉN LLE PODÍA GUSTAR Á MOUCHA.

A VÓS GÚSTAVOS COMO NOS QUEDARON AS PEDRAS E OS ANIMAIS? A NÓS MOITO! 

OBRADOIRO CON PABLO OTERO

O MÉRCORES 18 DE MAIO TIVEMOS UN OBRADOIRO DE CREACIÓN CO ARTISTA PABLO OTERO.

EXPLICOUNOS QUE CON COUSAS QUE ATOPABA NOS SEUS PASEOS EL CREABA PEZAS E ENSINOUNOS ALGUNHAS.

TROUXO "PEQUENOS TESOUROS" DESES QUE ATOPA PERO NÓS TAMÉN TIÑAMOS COUSAS QUE TROUXEMOS DA CASA E MESMOS "TESOUROS" QUE SAÍMOS A BUSCAR NA CONTORNA. 

PODEDES VER O VÍDEO DA XORNADA QUE COMPARTIMOS CON PABLO E AS CREACIÓNS QUE FIXEMOS.

MARTIÑO E TESTA: 6ª ESTRELA

CHEGAMOS Á ESCOLA E HABÍA UNS DINOSAURIOS COLGADOS POR DIFERENTES SITIOS: NA AULA, NO BAÑO E ATA NO ALMACÉN! EN TOTAL ERAN NOVE.

ESTIVEMOS PENSANDO COMO CHEGARÍAN ATA ONDE ESTABAN E PENSAMOS SI SERÍA COUSA DUNHA BRUXA... ATA QUE CHEGOU O PROFE IVÁN E AMOSOUNOS UN VÍDEO DE MARTIÑO E TESTA! FORA COUSA DELES!

PROPUXÉRONNOS UNHA NOVA MISIÓN PARA PODER ACADAR A 6ª ESTRELA:  MARTIÑO E TESTA ENVIÁRONNOS UN NOVO VÍDEO NO QUE EXPLICABAN COMO CONSEGUILA.

MIRADE O VÍDEO PARA COMPROBAR SI A CONSEGUIMOS.

ENGALANAMOS A NOSA HORTA

DECIDIMOS FACER UNS MARCADORES PARA A NOSA HORTA COA PASTA BLANCA DE MODELAR QUE XA UTILIZAMOS CANDO FIXEMOS OS AMULETOS.

FIXEMOS UN POR CADA UNHA DAS PLANTAS QUE TEMOS NA NOSA HORTA.

AQUÍ PODEDES VER O PROCESO E O RESULTADO.

MEDRA A NOSA HORTA

PARA REMATAR ESTE MES DE ABRIL, DESPOIS DAS VACACIÓNS E AGARDAR QUE PARASE UN POUCO A CHOIVA, VOLVIMOS A PLANTAR NA NOSA HORTA.

TOCOU O MOMENTO DE PLANTAR DÚAS CLASES DE LEITUGAS E UN PAR DE PLANTAS AROMÁTICAS: OUREGO E MENTA. 

AGORA SEGUIREMOS COS COIDADOS QUE PRECISA A HORTA E AGARDANDO A QUE MEDREN AS CEBOLAS, OS ALLOS PORROS, AS CENORIAS, CALABACÍN, LEITUGAS E QUE TEÑAMOS MOITAS FRESAS.