O VENRES 1 DE DECEMBRO FOMOS ATA O EDIFICIO DE USOS MÚLTIPLES NO BURGO PARA IR AO TEATRO.
VIMOS A OBRA "KYOKI" DA COMPAÑÍA DE TEATRO ELEFANTE ELEGANTE.
GUSTOUNOS MOITO!
SEMENTES
ESTA ACTIVIDADE XURDIU CANDO ESTABAMOS A COÑECER OS CÍTRICOS, POIS OBSERVAMOS QUE ALGÚNS DELES TIÑAN SEMENTES.
INVESTIGAMOS SI ESAS SEMENTES SE PODÍAN PLANTAR E ATOPAMOS UNHA MANEIRA DE FACER QUE XERMINASEN ANTES DE PODER PLANTALAS NA TERRA.
ESTIVEMOS REVISANDO E OBSERVANDO DURANTE VARIOS DÍAS AS SEMENTES, PERO NON VIMOS QUE XERMINARA NINGUNHA... POLO DE AGORA, CLARO.
TAMÉN SABEMOS QUE ISO PODÍA PASAR, NON TODAS AS SEMENTES XERMINAN.
HABERÁ QUE PROBAR CON OUTRAS MÁIS ADIANTE!
25N: "ELA RECENDE A... COIDÁMOLAS!"
O 25 DE NOVEMBRO, CONMEMÓRASE O DÍA INTERNACIONAL DA ELIMINACIÓN DA VIOLENCIA CONTRA AS MULLERES. DURANTE ESA SEMANA, ESTIVEMOS FALANDO SOBRE AS MULLERES QUE NOS RODEAN E SON IMPORTANTES PARA NÓS. QUENES SON ESAS MULLERES, POR QUE SON IMPORTANTES, A QUE NOS ULEN...
DIALOGAMOS, COIDAMOS, RESPECTAMOS E ADMIRAMOS A CADA UNHA DELAS QUE AS NENAS E NENOS ESCOLLERON.
NA AULA, DESPOIS DE RECIBIR AS FOTOS QUE ENVIARON AS FAMILIAS POR CORREO, DEBUXAMOS A ESA PERSOA.
ESA FOTO, XUNTO CO PAPEL IMPREGNADO CO SEU OLOR, UNÍMOLO AO DEBUXO E CONVERTIUSE NUN MÓBIL QUE COLGAMOS NA AULA COMO A NOSA APORTACIÓN Á CONMEMORACIÓN DESTA DATA.
E ESTE É O RESULTADO!
FÓRA DA ESCOLA, TAMÉN PREPARAMOS UNHA INSTALACIÓN NA QUE TODAS E TODOS CONTRIBUÍMOS. MOITAS GRACIAS ÁS FAMILIAS POR COLABORAR NESTA ACTIVIDADE E DEIXAR A VOSA PEGADA.
NESTE VIDEO TEDES UN RESUMO DE COMO SE CONMEMOROU ESTA DATA NO NOSO COLE, O CRA DE CULLEREDO.
DESCUBRIMOS OS CÍTRICOS
DURANTE ESTA ÉPOCA DO OUTONO, AS FROITAS QUE COMEMOS OU QUE ESTÁN AO NOSO ALCANCE PODEN SER DIFERENTES QUE NOUTRO MOMENTO DO ANO.
ESTA ACTIVIDADE DE COÑECER AS DIFERENTES FROITAS DA FAMILIA DOS CÍTRICOS, AXUDOUNOS A EXPLORAR TAMÉN COS SENTIDOS (VISTA, TACTO, GUSTO, OLFACTO) E DESCUBRIR E PROBAR UN CÍTRICO QUE MOITOS NON COÑECÍAN, O POMELO.
ESTAMOS A TRABALLAR A ALIMENTACIÓN SAUDABLE A TRAVÉS DO NOSO PDI E DAS ACTIVIDADES QUE PROPOÑEMOS NA AULA, COMO ESTA QUE NOS LEVOU VARIAS SESIÓNS, POIS ÍAN XURDINDO INTERESES E PROPOSTAS NOVAS.
AO FINAL DESTA ACTIVIDADE, QUEDOU ALGO PENDENTE...
QUE SERÁ O QUE PASARÁ...
SAÍDA AO DOMUS
O PASADO MARTES 14 DE NOVEMBRO, SAÍMOS DA ESCOLA PARA VISITAR O DOMUS-CASA DO HOME EN CORUÑA, MUSEO INTERACTIVO ADICADO AO SER HUMANO.
AO SER INTERACTIVO, PUIDEMOS TOCALO TODO, EXPERIMENTAR E FOI MOI EMOCIONANTE.
O NOSO PDI, SEMENTANDO SÁUDE, NESTE PRIMEIRO TRIMESTRE TRATA SOBRE O CORPO, AS EMOCIÓNS, HÁBITOS SAUDABLES,... NO MUSEO ESTIVEMOS VISITANDO A EXPOSICIÓN DE "BOCADOS" E EXPERIMENTAMOS COS OLORES, PESOS,... PERO O QUE NOS GUSTOU MOITO, FOI ESTAR DENTRO DUN CORAZÓN!
A VIAXE DE BREOGÁN
COÑECIMOS A BREOGÁN, UN RAPAZ QUE VAI A REALIZAR UNHA VIAXE POR EUROPA PARA REMATAR OS SEUS ESTUDOS. SI PICADES NA IMAXE, PODEDES VER A SÚA PRESENTACIÓN.
NA PRAIA, COÑECEU Á NOSA AMIGA PURA A TARTARUGA E RECOMENDOULLE QUE VIAXASE EN TREN QUE ERA UN MEDIO DE TRANSPORTE MENOS CONTAMINANTE E QUE SE PUXERA EN CONTACTO CON NÓS PARA COLABORAR CON EL.
ESTAMOS ENCANTADAS E ENCANTADOS DE COLABORAR CON EL.
ESTA SEMANA RECIBIMOS UNHA MENSAXE DE BREOGÁN ONDE COMPARTÍA A SÚA LEDICIA POLA NOSA COLABORACIÓN E ONDE NOS ENVIABA OS MATERIAIS QUE PRECISAMOS PARA SEGUIR A SÚA VIAXE: UN MAPA INTERACTIVO E UN CARTAFOL PARA GARDAR TODAS AS NOSAS INVESTIGACIÓNS.
PODEDES SEGUIR TODA ESTA VIAXE NO BLOG DE PEPATECA.
SAMAÍN
O LUNS DESTA SEMANA ATOPAMOS A PISTA QUE TEMOS DIANTE DA ESCOLA, DECORADA E AMBIENTADA CON COUSAS DE MEDO POLA VECIÑANZA DE LEDOÑO. O SAMAÍN ESTABA CHEGANDO...
ESE DÍA, ESTIVEMOS VENDO TODAS AS COUSAS COLOCADAS POR DIFERENTES LUGARES E GUSTOUNOS MOITO, AÍNDA QUE ALGUNHA COUSA PARECÍA QUE NOS DABA ALGO DE MEDO...
PERO DESPOIS, TOCOU COMEZAR A PREPARAR UNS... PARA O NOSO SAMAÍN. AGARDADE A VER O VÍDEO.
MAGOSTO
O PASADO VENRES DÍA 27 DE OUTUBRO, FESTEXAMOS O MAGOSTO NA CONTORNA DA TORRE DE CELAS, XUNTO A TODAS E TODOS OS COMPAÑEIROS DAS OUTRAS ESCOLAS DO CRA.
FIXEMOS UNHA BÚSQUEDA DE TESOUROS QUE NOS LEVOU ATA O PASEO DO REGO DAS XESTEIRAS. ESES TESOUROS UTILIZÁMOLOS PARA FACER UN CONXURO E DESPOIS ESCOITAMOS UN CONTACONTOS DE "CORRE, CORRE CABACIÑA".
COMO FINAL DE FESTA, TOCOU A DEGUSTACIÓN DAS CASTAÑAS QUE ESTABAN BOÍSIMAS.
A VERDADE É QUE TIVEMOS QUE FACER ALGÚN CAMBIO DEBIDO Á PREVISIÓN METEREOLÓXICA, PERO FINALMENTE, TIVEMOS UNHA XORNADA FANTÁSTICA DE CONVIVENCIA E FESTA.
PICADE NA IMAXE E VEREDES O VÍDEO RESUMO DESTE DÍA.
LEMBRADES QUE ESTIVEMOS FACENDO UN COLAR DE ZONCHOS NA ESCOLA?
POIS ESE COLAR UNÍMOLO COS COLARES DAS OUTRAS ESCOLAS ARREDOR DUNHA ÁRBORE NO SOUTO DE CELAS E FORMAMOS A NOSA COMUNIDADE: O CRA DE CULLEREDO.
MIRADE O VÍDEO NO BLOG DE PEPATECA.
PREPARAMOS O MAGOSTO
UNS DÍAS ANTES DA DATA SINALADA PARA FESTEXAR O MAGOSTO, ESTIVEMOS FACENDO VARIAS ACTIVIDADES QUE TIÑAN QUE VER CON ESA FESTIVIDADE.
ELABORAMOS UN COLAR DE ZONCHOS E CADAQUEN MARCOU UNHA CASTAÑA COA SÚA INICIAL, ATA COMPLETAR O COLAR DA ESCOLA DE LEDOÑO.
TAMÉN DECORAMOS O PORTACASTAÑAS, QUE FIXEMOS RECICLANDO CARTÓNS DE LEITE QUE APORTARON AS FAMILIAS. PINTÁMOLO CON CORES DO OUTONO, USANDO TAMPÓNS E BASTONCIÑOS E PEGAMOS UNHA ADIVIÑA. FOI DOADA DE RESOLVER?
RECIBIMOS TRES ADIVIÑAS ONDE A SOLUCIÓN ATOPÁBASE RASCANDO UN CADRADO. FOI MOI INTERESANTE E DIVERTIDO!
O OUTONO CHEGOU
O OUTONO CHEGOU E NÓS APROVEITAMOS ESTA ESTACIÓN PARA FACER DIFERENTES ACTIVIDADES, TANTO NA ESCOLA COMO FÓRA DELA.
A NOSA CONTORNA PERMÍTENOS VER OS CAMBIOS DE ESTACIÓN E É UNHA FONTE DE RECURSOS.
NA ESCOLA, UTILIZAMOS ESES RECURSOS E MATERIAIS NOVOS, PARA LEVAR A CABO ACTIVIDADES DE LECTOESCRITURA, LÓXICA-MATEMÁTICA E CREACIÓN.
PATRULLA DE LIMPEZA EN ACCIÓN
FAI UNS CURSOS, AS NENAS E NENOS DA ESCOLA DECIDIRON FACER UNHA LIMPEZA AO REDOR DA ESCOLA DESPOIS DE VER COMO SE ATOPABA CHEA DE LIXO.
DENDE AQUELA, EXISTE, ANO TRAS ANO, A "PATRULLA DE LIMPEZA" E SE NALGÚN MOMENTO VEN OU PERCIBEN QUE HAI SUCIEDADE OU BASURA TIRADA POLO CHAN, QUEREN FACER UNHA LIMPEZA.
ESTE CURSO, DESPOIS DUNS DÍAS VENDO LIXO AO REDOR DA ESCOLA E QUE NON DESAPARECÍA, PEDIRON FACER UNHA LIMPEZA E ENSINARLLES ÁS COMPAÑEIRAS E COMPAÑEIROS NOVOS COMO, ENTRE TODOS, PODER TER A NOSA CONTORNA LIBRE DE LIXO. IMPORTANTE O USO DE GUANTES!
DE FEITO, QUIXERON DEIXAR A BOLSA ONDE RECOLLIMOS TODO O LIXO NA PORTA DA ESCOLA PARA QUE A VISEN AS FAMILIAS,
ELMER EN LEDOÑO
DURANTE OS PRIMEIROS DÍAS DE ESCOLA, PASAMOS MOITO TEMPO FALANDO, ESCOITÁNDONOS, CONTANDO HISTORIAS E LEMOS MOITO.
GÚSTANNOS MOITO OS CONTOS! E ESTE CURSO, UN DOS LIBROS QUE MÁIS NOS GUSTOU NA ESCOLA FOI "ELMER". TIÑAMOS A SORTE DE CONTAR CUN ELMER!
FIXEMOS ALGUNHA QUE OUTRA COUSA A PARTIR DESTE CONTO:
CREAMOS UN ELMER A PARTIR DAS PEZAS DO TANGRAM:
PERO TAMÉN PINTAMOS ELEFANTES CON DIFERENTES DEBUXOS E CORES PARA, COMO PASABA NO CONTO, FESTEXAR O DÍA DE ELMER.
COMEZAMOS
BENVIDAS E BENVIDOS!
COMEZOU O CURSO CON NOVAS COMPAÑEIRAS E COMPAÑEIROS E CON CAMBIOS DENTRO DA ESCOLA.
OS PRIMEIROS DÍAS ESTIVEMOS COÑECÉNDONOS, XOGANDO, COMPARTINDO E DESCUBRINDO AS NOVIDADES QUE SE NOS PRESENTARON, COMO POR EXEMPLO, A NOVA BIBLIOTECA DE AULA, NOVOS MATERIAIS E A PANTALLA TÁCTIL.
AQUÍ TEDES UN BREVE RESUMO.
FIN DE CURSO
OS ÚLTIMOS DÍAS DE ESCOLA ADICÁMOLOS A DISFRUTAR DE MOMENTOS XUNTOS: SAÍMOS Á CONTORNA, XOGAMOS, DEBUXAMOS...
O MARTES FALAMOS DE QUE O DÍA 21 ERA O ÚLTIMO DÍA DE ESCOLA E QUE IAMOS FACER UNHA FESTA. ENTRE TODOS E TODAS PENSAMOS EN QUE COUSAS NOS GUSTARÍAN TER E FACER NA NOSA FESTA, E ANOTAMOS NA PIZARRA. ALGUNHAS DAS IDEAS NON ERAN MOI SINXELAS, NIN SE PODÍAN REALIZAR, PERO CHEGAMOS A VARIAS COUSAS QUE SI QUERÍAMOS TER NESA DATA ESPECIAL.
E O MÉRCORES 21, COMEZAMOS O NOSO DÍA ESPECIAL!
XOGAMOS UN RATIÑO E CONTINUAMOS, POR GRUPOS, FACENDO VARIAS ACTIVIDADES: TIÑAMOS MONTADO O PATCHWORK QUE FIXEMOS ENTRE TODO O ALUMNADO E PROFESORADO DO CRA A MODO DE FONDO PARA PODER REALIZAR UNHA SESIÓN DE FOTOS. TAMÉN TIÑAMOS VARIOS OBXECTOS PARA ADEREZARNOS. FOI MOI DIVERTIDO! OUTRO GRUPO DECORABA BOLSAS ONDE LEVAR AS PEDRAS QUE FIXERAMOS ANTERIORMENTE E OUTROS, GARDABAN NUN SOBRE CO SEU NOME, A FOTO DE GRUPO DESTE CURSO.
PERO NUNHA BOA FESTA, TAMÉN HAI QUE FACER UNHA MERENDOLA... PREPARAMOS UNS PINCHOS DE FROITA E ALGÚNS E ALGUNHAS BOTAMOS CHOCOLATE POR RIBA! ESTABAN DELICIOSOS! PERO COMO SOMOS MOI LAMBÓNS, AÍNDA TIÑAMOS SITIO PARA COMER UNS PAUIÑOS DE PAN CON QUEIXO!
REMATAMOS ESTE DÍA ESPECIAL CUN ESPECTÁCULO; VISITOU A NOSA ESCOLA CHARLIE, O INVENTOR DE PALABRAS E FOI MOI DIVERTIDO. GRACIAS CARLOS POLO FIN DE FESTA!
ESTE DÍA FOI O ÚLTIMO DÍA DE ESCOLA PARA TRES COMPAÑEIROS QUE MARCHAN... BOTARÉMOSVOS DE MENOS!
BO VERÁN!!
AS NOVAS DE PEPA
AQUÍ TEMOS O NOVO EXEMPLAR DA REVISTA AS NOVAS DE PEPA, ONDE PODEDES VER MOITAS DAS ACTIVIDADES QUE SE LEVARON A CABO ESTE CURSO QUE REMATA, 2022-2023.
ESPERAMOS QUE VOS GUSTE!
DESPEDIDA DE PURA A TARTARUGA
O ÚLTIMO CONTACTO QUE TIVEMOS CON PURA FOI PARA DICIRNOS ONDE PODER ATOPAR O SEU ADHESIVO: TIÑAMOS QUE BUSCAR UNHA CAIXA FORTE CUN CADEADO NUMÉRICO.
PARA PODER ABRIR A CAIXA TIÑAMOS QUE COÑECER ESES NÚMEROS DO CÓDIGO E PARA AVERIGUALO, FIXEMOS CATRO RETOS: UN CREBACABEZAS, UN BREAK OUT, BUSCAR AS DIFERENZAS NUNHAS IMAXES DE PURA E DESCIFRAR UNHA MENSAXE SECRETA.
ANOTAMOS CADA NÚMERO NUNHA FOLLA DE REXISTRO PARA NON ESQUECER NINGÚN NÚMERO E UNHA VEZ QUE CONSEGUIMOS OS 4, PUXÈMOLOS NO CADEADO E... ABRIUSE!!
QUE EMOCIÓN! DENTRO ESTABAN AS PEGATINAS DE PURA E UNHA NOTA DE DESPEDIDA NA DESCUBRIMOS QUE AÍNDA QUEDABA UNHA SORPRESA... UN AGASALLO PARA TODOS NÓS: UN XOGO ARTÍSTICO-CREATIVO E UNS DIPLOMAS QUE CERTIFICAN O NOSO COMPROMISO CO MEDIO AMBIENTE.
EXCURSIÓN FIN DE CURSO
O VENRES DÍA 16 DE XUÑO, MARCHAMOS DE EXCURSIÓN DE FIN DE CURSO.
A PRIMEIRA PARADA FOI EN ORDES, PARA VISITAR O MUSEO DO TRAXE, ONDE PUIDEMOS VER MÁIS DE 200 TRAXES DOADOS POR JUANJO LINARES.
A SEGUINTE PARADA FOI EN LARACHA, NA ÁREA RECREATIVA DE GABENLLE, ONDE XOGAMOS, COMIMOS E PASEAMOS A CARÓN DO RÍO.
FOI UNHA XORNADA DE CONVIVENCIA E GOCE CON TODAS E TODOS OS COMPAÑEIROS DE TODAS AS ESCOLAS DO CRA.
PEDRAS E TEAS
PARA REMATAR O CURSO E POÑERLLE FIN AO PDI DENDE A NOSA ESCOLA, APROVEITAMOS UNHAS PEDRAS QUE SOBRARON O DÍA DA ROMARÍA, FIXEMOS USO DA NOSA CREATIVIDADE E CONSEGUIMOS FACER UNHAS CARAS BEN DIVERTIDAS!
PARA ESTA PROPOSTA, UTILIZAMOS ANACOS DE TEA SOBRANTES, LÁS, BOTÓNS, FITAS,... COUSIÑAS QUE FORON QUEDANDO DAS DIFERENTES ACTIVIDADES QUE FIXEMOS AO LONGO DO CURSO RESPECTO AO PDI.
QUE VOS PARECEN?
PURA A TARTARUGA: 10ª MISIÓN
NESTA MISIÓN COÑECIMOS A QUICO, O GOLFIÑO. GÚSTALLE MOITO BAÑARSE, PERO ESTÁ MOI PREOCUPADO POLA CANTIDADE DE CABICHAS QUE HAI NAS PRAIAS.
EXISTEN UNS CONOS PARA GARDAR AS CABICHAS E NON TIRALAS NA PRAIA. SOLICITÁMOLOS AO CONCELLO DE ARTEIXO PARA AGASALLAR A ALGUÉN QUE COÑECEMOS QUE FUME E ASÍ, A VER SE CONSEGUIMOS MANTER AS PRAIAS LIMPAS.
ESCRIBIMOS UNHAS TARXETAS CO NOSO NOME E O DA PERSOA A QUEN LLE IMOS REGALAR O CONO.
GRACIAS A ISTO, CONSEGUIMOS A PEGATINA DE QUICO! AGORA SÓ QUEDA A DE PURA...
XOGO PAUS
ESTE CURSO GOZAMOS MOITO DA NOSA CONTORNA, E MÁIS A FINAIS DO TRIMESTRE POR MOR DAS OBRAS QUE ACONTECERON.
GÚSTANOS MOITO IR Á CARBALLEIRA E ALÍ SEMPRE XOGAMOS MOITO CON PAUS.
FIXEMOS UNHA COLLEITA DE PAUS E CLASIFICAMOS POR TAMAÑOS. DESCARTAMOS OS QUE ERAN MOI GRANDES E SELECCIONAMOS MEDIANOS E PEQUENOS.
QUIXEMOS USALOS PARA FACER UN XOGO. PARA ISO, TIVEMOS QUE PINTALOS NOS EXTREMOS E NO MEDIO DE CORES.
CANDO SECARON, PUIDEMOS PROBAR O XOGO E FOI MOI DIVERTIDO VER OU INTUÍR, FIGURAS QUE SE PODÍAN FORMAR.
O CICLO DA VIDA: A BOLBORETA
NA NOSA PROCURA DE INFORMACIÓN DE BECHOS, TIVEMOS A SORTE DE QUE A FAMILIA DE ROI TROUXERA Á ESCOLA UNHA EIRUGA QUE ATOPARON PRETO DA SÚA CASA.
QUEDOU NA ESCOLA E PUIDEMOS OBSERVAR COMO FOI FORMANDO O CASULO PARA TRANSFORMARSE ALÍ EN CRISÁLIDE.
ANOTAMOS O DÍA QUE VIMOS QUE TIÑA LISTA O CASULO E OBSERVAMOS CADA DÍA SE NOTÁBAMOS ALGÚN CAMBIO.
AO CABO DE 11 DÍAS, O LUNS DÍA 5 DE XUÑO, CANDO CHEGAMOS Á ESCOLA, VIMOS QUE A BOLBORETA XA SAÍRA!! QUE BONITA!!
ESPERAMOS A QUE CHEGASEN TODAS E TODOS OS COMPAÑEIROS Á ESCOLA E DECIDIMOS IR ATA O PARQUE A LIBERALA PORQUE ALÍ TIÑA MÁIS SITIO PARA VOAR.
AO PRINCIPIO PARECÍA QUE NON SABÍA VOAR, COMEZOU POUCO A POUCO, POUSÁNDOSE NALGUNHA PLANTA, ATA QUE FINALMENTE A VIMOS VOAR POLA CARBALLEIRA.
QUE EXPERIENCIA TAN INCREÍBLE!!
AS LETRAS GALEGAS: DON PACO
O AUTOR HOMENAXEADO DESTE ANO POLO DÍA DAS LETRAS GALEGAS FOI FRANCISCO FERNÁNDEZ DEL RIEGO, DON PACO.
CHEGOU Á ESCOLA UNHA MALETA CHEA DE COUSAS SIGNIFICATIVAS PARA COÑECER UN POUCO MÁIS A DON PACO: UN LAPIS CO QUE TOMABA NOTAS E DEBUXABA, UNHA CÁMARA DE FOTOS PORQUE LLE GUSTABA MOITO SACAR FOTOS, UNHA LUPA QUE USABA CANDO SE FIXO MAIOR PARA PODER LER, UNHA MÁQUINA DE ESCRIBIR QUE NON TARDAMOS EN AVERIGUAR QUE ERA E COÑECIMOS O SEU FUNCIONAMENTO.
TAMÉN ESTIVEMOS PENSANDO EN PALABRAS QUE COÑECEMOS EN GALEGO E QUE NOS GUSTAN. ESCRIBIMOS NA PIZARRA ALGUNHAS.
PURA TARTARUGA: 9ª MISIÓN
NA 9ª MISIÓN DE PURA COÑECIMOS A PROBLEMÁTICA QUE EXISTE COAS REDES PANTASMA, REDES QUE QUEDAN NO MAR ABANDOADAS E SON UN PERIGO PARA OS ANIMAIS MARIÑOS.
PURA FALOUNOS DE LARA, A PEIXE ESPADA E NESTA MISIÓN TIVEMOS QUE FACER UNHA COMPOSICION FOTOGRÁFICA CON REDES.
GRACIAS A ISTO, CONSEGUIMOS A PEGATINA DE LARA! XA NON QUEDA NADA PARA REMATAR A NOSA CREDENCIAL!
O PATCHWORK DO CRA
UNHA DAS TAREFAS QUE FIXEMOS ESTE CURSO ENTRE TODA A COMUNIDADE EDUCATIVA DO CRA, FOI A ELABORACIÓN DUN PATCHWORK: CONSISTE EN COSER PEZAS DE TEA NUN DISEÑO MÁIS GRANDE.
CADA FAMILIA E MESTRES, APORTARON UN ANAQUIÑO DE TEA QUE FOSE ESPECIAL E EXPLICOUSE A SÚA HISTORIA.
AO FINAL, COSÉRONSE TODOS OS ANACOS DAS DIFERENTES ESCOLAS, QUEDANDO UNHA COMPOSICIÓN FERMOSA E CHEA DE SENTIMENTOS.
PODEDES PICAR NOS ANAQUIÑOS E COÑECER AS DIFERENTES HISTORIAS.
ROMARÍA DAS LETRAS GALEGAS
O MARTES 16 DE MAIO CELEBRAMOS A NOSA FESTA MÁIS ESPECIAL: A ROMARÍA, NA CONTORNA DA TORRE DE CELAS.
FOI UNHA XORNADA FERMOSA DE CONVIVENCIA CON XOGOS TRADICIONAIS, BAILES, XANTAR E OBRADOIROS EN FAMILIA.
UN DOS MOMENTOS ESPECIAIS TAMÉN FOI A VISITA DA MOUCHA, QUE ESTE ANO AGASALLOUNOS COA ACTUACIÓN DUN MAGO!
PODEDES VER UN RESUMO DO ACONTECIDO PICANDO NA IMAXE.
MOITAS GRAZAS A TODAS E TODOS POR ACHEGARVOS E COMPARTIR CON NÓS ESTA XORNADA!
O TRAXE DA MOUCHA
ACHÉGASE A DATA PARA A ROMARÍA! COMO ESTE ANO TEMOS COMPAÑEIRAS E COMPAÑEIROS NOVOS, LEMBRAMOS COUSAS QUE PASARON O ANO PASADO NA ROMARÍA COMO FOI A VISITA DA MOUCHA DO XALO.
ESCOITAMOS A LENDA DA MOUCHA E VISIONAMOS FOTOS ONDE SAÍA ELA. FALAMOS DO SEU TRAXE, PARECÍA UN TRAXE ESPECIAL... E COMO NÓS ESTAMOS A TRABALLAR CON TEAS, PENSAMOS EN ESCRIBIRLLE UNHA CARTA PEDÍNDOLLE SI NOS PODÍA DEIXAR O SEU TRAXE PARA VER COMO ERA.
COMO SABEMOS QUE A ELA LLE GUSTA RECOLLER COUSAS, ADEMAIS DA CARTA, FIXEMOS UN RECLAMO PARA QUE SE ACHEGASE A LEDOÑO. CONSEGUÍMOLO? MIRADE.
VISITA A DONAIRE
O VENRES 12 DE MAIO VIAXAMOS ATA CORUÑA PARA COÑECER A ASOCIACIÓN CULTURAL DONAIRE, DANDO COMEZO Á CELEBRACIÓN DAS LETRAS GALEGAS.
APRENDIMOS UNS PUNTOS DE BAILE, ENSINÁRONNOS O SON DA GAITA E UNS CONTOS MUSICADOS.
PUIDEMOS VER E TOCAR DIFERENTES TRAXES TRADICIONAIS GALEGOS E ATA ALGÚNS FORON QUEN DE PROBALOS. VIMOS AS DIFERENZAS ENTRE OS TRAXES DE GALA E DE FAENA, OU DE COTÍO, CON DIFERENTES TEAS E BORDADOS.
PURA A TARTARUGA: 8ª MISIÓN
NESTA NOVA MISIÓN COÑECIMOS A MANOLA, UNHA CARACOLA QUE COÑECE MOI BEN OS SONS MARIÑOS PERO COMO É MOI CURIOSA, QUERE COÑECER ALGÚNS SONS DE FÓRA DO MAR.
A MISIÓN FOI GRAVAR UN AUDIO CUNS SONS QUE NOS PARECÍAN INTERESANTES PARA QUE ELA COÑECESE. PODEDES ESCOITALOS PICANDO AQUÍ.
FOI UN TRABALLO EN EQUIPO NO QUE CONSEGUIMOS A PEGATINA PARA A NOSA CREDENCIAL.
AGARDANDO POLA PRÓXIMA MISIÓN!
VISITA A MEISEL, EXPOSICIÓN FOTOGRÁFICA
O MÉRCORES 26 DE ABRIL FOMOS ATA CORUÑA PARA VISITAR A EXPOSICIÓN DE MEISEL.
NON SÓ VIMOS AS FOTOS DE MEISEL, SE NON QUE TAMÉN TIVEMOS UNHA SORPRESA: NO PLATÓ DE SILOS PUIDEMOS DISFRUTAR DUNHA FESTA CON MÚSICA DO 93 PARA ASÍ CAPTAR FOTOGRAFÍA EN MOVEMENTO, A PERFORMANCE E A EXPRESIÓN CORPORAL A TRAVÉS DA LUZ. PASÁMOLO MOI BEN!
DÍA INTERNACIONAL DO LIBRO
O DÍA 23 DE ABRIL, CONMEMÓRASE O DÍA INTERNACIONAL DO LIBRO.
NA ESCOLA FIXEMOS UNS MARCAPÁXINAS DE TEA, CONTINUANDO COA TEMÁTICA DO NOSO PDI.
GRACIAS SARA, POLOS CONTOS E O AGASALLO.
Subscribirse a:
Publicacións (Atom)