XA SOMOS PATRULLA

CON MOTIVO DA SEMANA POLO CLIMA RECIBIMOS O MARTES 24 UNS BRAZALETES VERDES E UNHA CARTA DE PROPOSTAS PARA TRABALLAR NO COLE. Ó ABEIRO DO NOSO PDI DESTE CURSO QUE ABRANGUE O COIDADO DA NOSA CONTORNA E XESTIÓN AXEITADA DE MATERIAS PRIMAS, ENERXÍA E  RESIDUOS, COMEZAMOS A FALAR UN POUCO DAS ZONAS NATURAIS QUE TEMOS ARREDOR DA ESCOLA, DAS ÁRBORES E DA HERBA E DO LIXO QUE ÁS VECES ATOPAMOS NO RECREO PORQUE A XENTE ESQUECE USAR AS PAPELEIRAS.

 ASÍ VIMOS ALGÚN VÍDEO SOBRE A IMPORTANCIA DAS ÁRBORES PARA O PLANETA E DE ACCIÓNS QUE EMPEORAN A NATUREZA. COMPROMETÉMONOS NESTE CURSO A COIDAR A NOSA PARTE DE PLANETA, CONFORMANDO A PATRULLA VERDE DE LEDOÑO. ASÍ QUE PUXEMOS AS NOSAS MANS PARA DARLLE VIDA A UNHAS ÁRBORES QUE DESPOIS REAMATAMOS DE CREAR NUN MURAL CONXUNTO CUN LEMA PARA CUMPRIR E COA NOSA SINATURA. 

XA FIXEMOS UNHA BOA ACCIÓN COA PLANTACIÓN DE SEMENTES, QUE POR CERTO CRECEN MOI RÁPIDO. AQUÍ PODEDES VER CANTAS PRANTIÑAS NACERON. 

AGÁRDANOS UN CURSO VALORANDO MÁIS BENEFICIOS DA NATUREZA E BUSCANDO XUNTOS SOLUCIÓNS COMO PATRULLA VERDE.