NATURITECTOS

SEGUIMOS COLLENDO TESOUROS QUE ATOPAMOS NO CHAN CADA VEZ QUE SAÍMOS Ó PATIO. ENCHEMOS O NOSO MALETIN DE COUSIÑAS DE AQUÍ, CON LANDRAS PARA REMATAR O MANDALA QUE COMEZAMOS A FACER COMO TAREFA INTEGRADA QUE COMBINA  LÓXICA E ARTE .  

PRIMEIRO VIMOS EN INTERNET VARIAS IMAXES DE LAND ART OUTONAL E MANDALAS CON ELEMENTOS  NATURAIS. LOGO FIXEMOS OS NOSOS BOCETOS E AS TAREFAS NECESARIAS: TRITURAR FOLLIÑAS, PARTIR A CORTIZA, CORTAR OS PAUS E RAMIÑAS PARA IGUALAR OS TAMAÑOS, DESPEDAZAR AS PIÑAS,ETC.

     ENTRE TODOS FOMOS DANDO FORMA   Ó MANDALA QUE FOMOS ENCHENDO     COA COLA ATA REMATAR.

 OUTRO DÍA ATOPAMOS DE SORPRESA,  NA ZONA DO AREEIRO, BAIXO AS ÁRBORES, TROZOS DE CORTIZA CON MUSGO DE CORES  VERDES MOI INTENSAS E VARIADAS. TAMÉN NACERON MOITAS SETAS PERO NON AS COLLEMOS PORQUE ALGUNHAS PODEN SER TÓXICAS.

CON TODO O MATERIAL DO NOSO MUSEO NATURAL ADEMAIS DO MANDALA CADA UN FIXO UN CADRO PROPIO. GUSTANVOS?

TAMÉN FIXEMOS UNS CARACOIS-BUGALLO MOI DIVERTIDOS.  

 E ACABAMOS OS ATRAPASOÑOS QUE XA COLGAMOS DO TEITO. MOLA VER COMO SE MOVEN AS FOLLIÑAS E FROITOS QUE LLES COLGAMOS. SOBRE TODO CANDO FACEMOS A RELAXACIÓN NA ASEMBLEA, Ó ABRIR OS OLLOS DESPOIS DA MASAXE DA PLUMA.