ANIMAIS VITAIS

VOS ACORDADES DA ENTRADA DE  FAUNA DE LEDOÑO?

ESTES ANIMAIS CONVIVEN NO PATIO E ARREDORES DA ESCOLA CON NÓS E TRAS O SEU REPARTO PARA  INVESTIGAR SOBRE ELES PORQUE OS VÍAMOS CON FRECUENCIA, FOI  CHEGANDO INFORMACIÓN QUE O ALUMNADO COMPARTIU E EXPLICOU Ó RESTO DE COMPAÑEIROS.

ÓSCAR CONTOU DATOS CURIOSOS SOBRE AS PEGAS E CLAUDIA SOBRE OS CARACOIS. ADEMAIS TROUXO UN CONTIÑO DE CARACOL E VERMIÑO. AQUÍ VEDES CARACOIS NO NOSO XARDÍN E DENTRO DA AULA CON NÓS.

ANTÓN INFORMOUSE MOITO SOBRE AS ABELLAS E ESTABA EMOCIONADO CONTANDO CÓMO FAN MEL E CONSTRÚEN PANAIS. AÍNDA QUE NON TODAS AS ABELLAS SON MELÍFERAS. TAMÉN NOS SORPRENDEU QUE HAXA UNHA ABELLA RAÍÑA QUE LIDERA O ENXAMBRE.

ÁFRICA CREOU UN FORMIGUEIRO BEN LINDO PARA EXPLICARNOS CÓMO VIVEN E SE COMPORTAN AS FORMIGAS, QUE TRABALLAN MOITO RECOLECTANDO COMIDA, E SON MOI ORGANIZADAS, TENDO TAMÉN UNHA RAÍÑA QUE GOBERNA E PON OVOS.

E QUE VOS PARECE A FORMIGA QUE CREAMOS CON CASTAÑAS? ESTÁ CHULA EH? E ESAS ANTENAS DE PIÑEIRO SON MOI EFECTIVAS.

POR ÚLTIMO CHEGARON O PÓSTER DE AARÓN SOBRE AS MIÑOCAS E O DOCUMENTO DE DANI SOBRE OS BECHOS BOLA. 

AARÓN CONTOUNOS MOI ABRAIADO A LONXITUDE QUE PODÍAN CHEGAR A TER AS MIÑOCAS, XA QUE ADOITAN ESTAR ENROSCADAS NA TERRA, PERO SE SE ESTIRAN... PODEN CHEGAR A SER MOI LONGAS.

DANI DIXO QUE OS BECHOS BOLA TAMÉN SON EXPERTOS EN MODIFICAR O SEU TAMAÑO E FORMA, CAMÚFLANSE E QUÉDANSE QUIETOS CO SEU CAPARAZÓN FORMANDO UNHA BOLA PARA QUE NINGUÉN OS MOLESTE.

PERO ONDE ACABA O LIXO REALMENTE?

PEPA NOS PUXO A PROBA CUNHA TAREFA DE CLASIFICAR LIXO PARA TIRALO NO COLECTOR CORRESPONDENTE. FALAMOS DOS CUBOS QUE TIÑAMOS NA CASA E NA ESCOLA E DE QUEN SE ENCARGABA DE SACAR AS BOLSAS DE LIXO DA CASA. 

PERO... POR QUÉ E NECESARIO SEPARAR O LIXO.? QUE SE FAI CON EL?

 SUPERAMOS A PROBA PORQUE DIFERENCIAMOS BEN OS PLÁSTICOS DO PAPEL E CARTÓN E DOS RESTOS ORGÁNICOS , ASÍ QUE CONSEGUIMOS AS ETIQUETAS PARA A NOSA AULA E ASÍ NON TRABUCARNOS CANDO TIRAMOS OS RESÍDUOS DAS NOSAS MERENDAS .

 CADA RESIDUO TEN UN LUGAR PARA PODER DARLLE UNHA RECICLAXE AXEITADA
OS RESIDUOS ORGÁNICOS PARA FACER COMPOST .

O PAPEL E CARTÓN PARA TRITURALO NUNHA PASTA E VOLVER A FACER MAIS PAPEL E CARTÓN EVITANDO CORTAR ÁRBORES.

E OS PLÁSTICOS E METAIS PARA TRITURALOS, MOELOS, E LOGO COMPRIMILOS OU EXTRUSIONALOS CON ALTAS TEMPERATURAS PARA XERAR NOVAS PEZAS QUE DEIXAMOS ARREFRIAR LISTAS PARA DARLLES NOVA FORMA.

SE O FACEMOS BEN TODOS HABERÁ OUTRO AGASALLO POR PARTE DE PEPA

ESPAZO FEDELLO

NESTE SEGUNDO TRIMESTRE 

ESTAMOS A DESFRUTAR COAS PEZAS PARA CONSTRUIR CIRCUÍTOS

  

COSTOUNOS QUE AS PEZAS NON CAESEN, PORQUE A UN MÍNIMO TOQUE, SE DERRUBABA. ASÍ QUE EXERCITAMOS A PACIENCIA.

TARDAMOS ALGO EN ATOPAR AS BOLAS AXEITADAS PERO EXPLORAMOS USANDO VARIAS DE PAPEL, PLASTILINA, PLÁSTICO, ETC. PURA FÍSICA.

AS MELLORES FORON AS DE METAL, QUE CO PESO, RODAN MELLOR E NON SE QUEDAN PARADAS A METADE DO PERCORRIDO.

NOVAS NA HORTA

RECIBIMOS UNHAS PLANTAS QUE VIÑERON DE MERA PARA LEDOÑO GRAZAS AO PAI DA MESTRA CRIS

 BUSCAMOS O LUGAR IDEAL PARA CADA UNHA E SACHAMOS OS BURATOS NA TERRA

 SACAMOS AS PLANTIÑAS DOS TESTOS E REGAMOS

 LOGO TIVEMOS QUE ESCRIBIR OS CARTÉIS PARA IDENTIFICALAS E QUE NON AS PISE NINGUÉN . AGORA ESPERAREMOS A QUE SAIAN 🌹 💐 DAS ROSEIRAS E A MANZANILLA QUE SEGURO QUE AS ABELLAS E OUTROS INSECTOS VAN VIR VISITAR

O ACEVO IGUAL TARDA MAIS EN SACAR AS BOLIÑAS VERMELLAS

PERO VEREMOLO MEDRAR SEGURO.

BASTA XA DE CABICHAS!

 

QUICO O GOLFIÑO 🐬 É O NOVO AMIGO DE CARPIÑO QUE NOS PIDE AXUDA PARA PARAR A INVASIÓN DE CABICHAS 🚬 DAS PRAIAS QUE ACABAN NO MAR 🌊 

TEMOS QUE LEMBRARLLES ÓS ADULTOS QUE FUMAN QUE 

NON QUEREMOS NIN UNHA CABICHA MAIS NO CHAN DE NINGÚN LUGAR!

EXPOSICIÓN NA FUNDACIÓN

HOXE FOMOS VER UNHA EXPO NA FUNDACIÓN ABANCA DA CORUÑA, TITULADA:  

O NOSO PLANETA 

GRACIAS AO CONTO DE VIOLETA, E AS FOTOS QUE SACOU ESTA EXPLORADORA AMANTE DA NATUREZA, ADENTRÁMONOS NAS SELVAS MAIS GRANDES E IMPORTANTES DO PLANETA EN ÁFRICA E AMÉRICA, E OS ECOSISTEMAS DOS POLOS NORTE E SUR, POR SER OS MAIS AFECTADOS POLO CALENTAMIENTO GLOBAL E A DEFORESTACIÓN, E TER AS MAIORES REPERCUSIÓNS PARA TODOS, PLANTAS, ANIMAIS E PERSOAS, NUN CICLO GLOBAL.

MIRADE O  VÍDEO 

SE AS MAIORES RESERVAS DE ÁRBORES SON AMEAZADAS, A SÚA FUNCIÓN NA CALIDADE DO AIRE VAI SER MERMADA, E O DESXEO DOS POLOS PROVOCA ALTERACIÓNS IMPORTANTES NO NIVEL DA AUGA POÑENDO EN PERIGO DE ASOLAGACIÓN CERTAS ZONAS COSTEIRAS .

TAMÉN FALAMOS DO LIXO E DOS INCENDIOS E DA NECESIDADE DE REFORESTAR SEMENTANDO

MARABILLAS AO SOL

FERMOSO DÍA DESDE AS 9 DA MAÑÁ CON RAIOLAS QUE DABAN GANAS DE ESTAR TODO O TEMPO FORA.  

E CANDO SAÍMOS PARA POÑER OS CARBALLOS E CASTIÑEIROS AO SOL COMO TODOS OS DÍAS, FOMOS MIRAR O HORTO QUE LUCÍA ESPLÉNDIDO HOXE. 

ESTE HORTO ENSÍNANOS PACIENCIA  E CONFIANZA, FAILLES QUERER PROTEXER O QUE SEMENTAMOS E ALEDARSE DAS SÚAS MEDRAS.

AS NABIZAS E ACELGAS

 O PEREXIL, CEBOLIN, E AS BERZAS.

OS REPOLOS, BRÓCOLIS, ROMANESCO E COLIFLOR.

ADEMAIS, ALÍ MESMO, EN 5min, OBSERVAMOS VOANDO ARREDOR UNHA  BOLBORETA 🦋 PRECIOSA, NO CHAN UN ESCARAVELLO BRILLANTE.

E SEGUINDO O SON DAS FOLLAS NA PAREDE ROCOSA , UNHA LAGARTIXA🦎 QUE SE CAMUFLABA MOI BEN. SODES QUEN DE VELO?

PERO O MELLOR DE TODO FOI O ASOMBRO DE ÓSCAR AO VER O QUE ACONTECEU COS GRANS DE MILLO COS QUE XOGOU A EXPERIMENTAR EN DIFERENTES RECIPIENTES CON AUGA NO RECANTO DOS EXPLORADORES O XOVES PASADO.

ENSEGUIDA RECOÑECERON AS RAÍCES E PEDIRON TERRA PARA SEMENTALOS.

  

ESTAMOS A CONVERTERNOS EN EXPERTOS EN FACER XERMOLAR E SEMENTAR E O NOSO LABORATORIO DE SEMENTES ACOLLE CADA SEMANA NOVIDADES COAS QUE PROBAR.