ROMARÍA 2024

O MÉRCORES 29 DE MAIO PUIDEMOS CELEBRAR A NOSA TRADICIONAL ROMARÍA.

TIÑAMOS MOITAS GANAS DE FESTEXAR, E ASÍ FOI, UNHA XORNADA ESTUPENDA QUE COMPARTIMOS CON TODO O ALUMNADO DO CRA, FAMILIAS, ANTIGOS ALUMNOS E ALUMNAS COAS SÚAS FAMILIAS, ANPA...

TAMÉN FINALIZOU O NOSO PDI "SEMENTANDO SAÚDE" CUNHA CARREIRA DE ORIENTACIÓN NA QUE TIVEMOS A COLABORACIÓN DE ALUMNADO E PROFESORADO DO IES DE SABÓN, DE ARTEIXO.

VELAQUÍ TEDES UN RESUMO DESE DÍA:

MOITAS GRACIAS A TODAS E TODOS POR COMPARTIR E FORMAR PARTE DESTA XORNADA TAN ESPECIAL.

LETRAS GALEGAS 2024

A SEMANA DAS LETRAS GALEGAS SEMPRE É UNHA SEMANA EMOCIONANTE, POIS É A CONTA ATRÁS PARA A NOSA ROMARÍA, QUE FINALMENTE HOUBO QUE SUSPENDER POR MOR DO TEMPO...

ESTE ANO COMEZAMOS A SEMANA CON CABEZOLOS NA ESCOLA QUE NOS TROUXO A PROFE TATI, PERO QUE XA VOLVERON PARA A SÚA POZA. FOI MOI CHULO PODER VELOS TAN DE CERCA. 

ESTE CURSO, COÑECIMOS A AUTORA HOMENAXEADA O DÍA DAS LETRAS GALEGAS A TRAVÉS DUN RETO. 

APARECEU NA ESCOLA UN BOTE CHEO DE COUSAS QUE FOMOS DESCUBRINDO E ELABORAMOS HIPÓTESES DE QUE SE PODERÍA TRATAR. COMO NO BOTE HABÍA LETRAS, ESTIVEMOS INTENTANDO COLOCALAS DE MANEIRA QUE PUIDESE SER UN NOME, E FINALMENTE AVERIGUAMOS QUE SE CHAMABA LUISA.

DESPOIS DE DESCUBRIR O NOME E OS OBXECTOS QUE HABÍA DENTRO DO BOTE, INTENTAMOS RELACIONALOS CON COUSAS QUE PODÍA FACER LUISA OU QUE ERAN COUSAS QUE LLE GUSTABAN. SEGUIMOS ELABORANDO HIPÓTESES E FINALMENTE COÑECIMOS A RELACIÓN DESES OBXECTOS CON LUISA GRACIAS A UN GENIALLY ELABORADO POLO EQUIPO DE DINAMIZACIÓN DA LINGUA.

DEIXÁMOLO AQUÍ POR SI QUEREDES COÑECER UN POUCO MÁIS SOBRE LUISA VILLALTA.

A NOSA FAMILIA

DURANTE ESTE CURSO, E EN VARIAS OCASIÓNS, ESTIVEMOS DEBUXÁNDONOS OU DEBUXANDO PERSOAS, É DICIR, FIXEMOS AUTORRETRATOS E RETRATOS.

NESTA OCASIÓN, DECIDIMOS FACER UNHA MEZCLA, POIS FIXEMOS UN RETRATO DA NOSA FAMILIA, ONDE NÓS TAMÉN NOS DEBUXAMOS.

ESTE RETRATO FAMILIAR EXPUXÉMOLO NA AULA PENDURADO DO TEITO E CONVIDAMOS ÁS FAMILIAS A QUE PASARAN A VELO.

FLORES DE CORES

NA ESCOLA ESTIVEMOS OBSERVANDO COMO CAMBIARON AS ÁRBORES DO NOSO ARREDOR COA CHEGADA DA PRIMAVERA E O CAMPO SE ENCHEU DE FLORES.

NA AULA, "CONSTRUÍMOS" FLORES CUNHA VARIEDADE DE PEZAS E ELEMENTOS, QUE DESPOIS PASOU A FORMAR PARTE DUNHA PROPOSTA DE AULA.

DEBUXAMOS FLORES CON DIFERENTES TÉCNICAS E ÚTILES: CON ACUARELAS, CON PINTURA, LÁPICES DE CORES E TAMÉN UTILIZAMOS OS NOSOS DEDOS.

SAÍDA Á UDC

O MÉRCORES 8 DE MAIO FOMOS, XUNTO COAS NENAS E NENOS DA ESCOLA DE SÉSAMO, ATA A FACULTADE DE CIENCIAS DA EDUCACIÓN DA UNIVERSIDADE DA CORUÑA.

RECIBIUNOS ALUMNADO DO GRAO DE EDUCACIÓN INFANTIL XUNTO AO PROFESOR DA ÁREA DE DIDÁCTICA DA EXPRESIÓN MUSICAL, QUE FORON QUENES DESEÑARON E ELABORARON UNHA INSTALACIÓN SONORA QUE TITULARON “Viaxe espacial: unha experiencia creativo-sensorial con nenos e nenas de Educación Infantil”. 

TIVEMOS A SORTE DE PARTICIPAR DESTA INSTALACIÓN QUE NOS GUSTOU MOITO! TAMÉN NOS CONTARON UN CONTO, MERENDAMOS E XOGAMOS NA CONTORNA DA FACULTADE QUE ESTÁ RODEADA DE ESPAZOS  VERDES QUE TANTO GOZAMOS!

GRAZAS Á UNIVERSIDADE POR CONVIDARNOS E A TODO O ALUMNADO PARTICIPANTE POLA SÚA IMPLICACIÓN!

A VIAXE DE BREOGÁN: BRUXELAS

DENDE BRUSELAS, BREOGÁN PROPÚXONOS UNHA NOVA TAREFA QUE PODEDES COÑECER VISUALIZANDO O VÍDEO.

E COÑECIMOS A UNHA PERSONAXE DE CÓMIC QUE SE CHAMA TINTÍN E AO SEU CAN MILÚ.

A TAREFA QUE TIÑAMOS QUE FACER TIÑA QUE VER COAS EMOCIÓNS E COMO SE PODEN TRANSMITIR A TRAVÉS DE OMATOPEAS. PARA ISO ESTIVEMOS VENDO DISTINTAS ONOMATOPEAS NO LIBRO "¡SHHH! LAS ONOMATOPEYAS DE CADA DÍA".

CUBRIMOS A GUÍA DE VIAXE DE BRUXELAS E VISUALIZAMOS UN NOVO VÍDEO DE BREOGÁN CAMIÑO DO SEU NOVO DESTINO: BERLÍN, CAPITAL DE ALEMAÑA.

AGARDAMOS NOVAS DE BREOGÁN DENDE BERLÍN E LEMBRADE QUE PODEDES SEGUIR TODOS OS SEUS PASOS NO BLOG DE PEPATECA.

BOA VIAXE BREOGÁN!

DÍA INTERNACIONAL DO LIBRO

O 23 DE ABRIL CONMEMÓRASE O DÍA INTERNACIONAL DO LIBRO.

CADA UNHA DAS ESCOLAS DO CRA GRAVOU UN BOOKTRAILER, UN PEQUENO VÍDEO PROMOCIONANDO OS NOSOS LIBROS FAVORITOS. 

NÓS PARA DECIDIR QUE LIBRO PROMOCIONAR, FIXEMOS UNHA ESCOLLA ENTRE OS LIBROS QUE MÁIS NOS GUSTAN E POR MAIORÍA, SAIU ELIXIDO "SHHH! TENEMOS UN PLAN", DE CHRIS HAUGHTON.

PARA VER OS BOOKTRAILERS, PODEDES VISUALIZALOS NO BLOG DA PEPATECA OU PICANDO AQUÍ.

PERO TAMÉN, DURANTE ESTA SEMANA TIVEMOS CONVIDADAS E CONVIDADOS QUE VIÑERON Á ESCOLA NA HORA DE LER CONTARNOS CONTOS.

O MARTES ESTIVERON CON NÓS A NAI, O PAI E O IRMÁN DE XOEL, CONTÁNDONOS DOUS CONTOS: "TENGO UN VOLCÁN" DE MIRIAM TIRADO E "NACE UN BEBÉ" DE NAZARETH OLIVERA.

                   

O MÉRCORES, VIÑERON A CONTAR CONTOS A NAI E O PAI DE SIRA, QUE LERON "A MELLOR SOPA DO MUNDO" DE SUSANNA ISERN E "CHUVISCA" DE FERNANDO PÉREZ HERNANDO.

                     

E O XOVES, VEU A NAI DE MANUELA CON CATRO CONTOS E QUIXEMOS ESCOITALOS TODOS! PRIMEIRO, CONTOUNOS O CONTO "O GRÚFALO" DE JULIA DONALDSON. OUTRO QUE ELIXIU MANUELA QUE LEUNO XUNTO COA SÚA NAI, "BLUEY, LA PISCINA". UN CONTO EN INGLÉS "ONE TO TEN AND BACK AGAIN" DE NICK SHARRATT, QUE INTERACTUAMOS CON EL CONTANDO EN INGLÉS COUSAS QUE ÍAN APARECENDO.

POR ÚLTIMO, A NAI DE MANUELA LEUNOS "A TOUPIÑA QUE QUERÍA SABER QUEN LLE FIXERA AQUILO NA CABEZA" DE WERNER HOLZWARTH, QUE NOS DIVIRTE MOITO!

MOITAS GRACIAS FAMILIAS POR PASAR ESTE TEMPO DE LER CON NÓS!