ASTRONAUTAS EN LEDOÑO

ESTE ANO ADICAMOS VARIOS DÍAS PARA PREPARAR O NOSO DISFRACE DE ENTROIDO, IMOS IR DE ASTRONAUTAS!

PARA ISO PRECISAMOS FACER VARIOS COMPLEMENTOS PARA O NOSO TRAXE ESPACIAL: O CASCO, UN PETO, UN CINTURÓN E AS BOTELLAS DE OSÍXENO. MIRADE CANTO TRABALLAMOS!

DÍA DE ROSALÍA

O 24 DE FEBREIRO CELEBRÁBAMOS O DÍA DE ROSALÍA PERO RECENTES INVESTIGACIÓNS ATOPARON QUE ROSALÍA DE CASTRO NACEU O 23 DE FEBREIRO DE 1837.

É POR ISTO, QUE ESTE ANO XA SE CAMBIOU A CELEBRACIÓN E O DÍA DE ROSALÍA MUDOU AO 23 DE FEBREIRO.

NA ESCOLA VISIONAMOS O VÍDEO QUE O CURSO PASADO ELABOROU O EQUIPO DE DINAMIZACIÓN DA LINGUA CONTANDO COA COLABORACIÓN DOS NENOS E NENAS DO CRA.

COMO TODOS OS CURSOS, BAIXO O LEMA "NO DÍA DE ROSALÍA, UNHA FLOR E UNHA POESÍA", ELABORAMOS UNHA POSTAL NA QUE INCLUÍMOS UNHA CALA E UNHA ODA A ROSALÍA QUE FIXEMOS ENTRE TODO O ALUMNADO DO CRA.

MARTIÑO E TESTA: A 3ª ESTRELA

RECIBIMOS UNHA NOVA MENSAXE DE MARTIÑO E TESTA DESEXÁNDONOS FELIZ ANO E UNHA NOVA MISIÓN. 

PARA PODER ACADAR A 3ª ESTRELA, MARTIÑO ENVIOUNOS UNHAS TARXETAS CON PREGUNTAS PARA COÑECER O NOSO COMPORTAMENTO COA CONTORNA E REFLEXIONAR SOBRE O MEDIO AMBIENTE. COMO ESTÁ NAS NOSAS MANS O COIDADO E A MELLORA DA NOSA CONTORNA.

TAMÉN CONTESTAMOS ÁS PREGUNTAS DUN XOGO NO QUE OBTIVEMOS A MÁXIMA PUNTUACIÓN; PODEDES VER E RESPONDER AO XOGO PICANDO NA IMAXE.

GRAZAS A TODO ISTO, CONSEGUIMOS A 3ª ESTRELA!!

TAREFA DE APRENDIZAXE: OFICIOS ARTESANAIS

A PRIMEIRA TAREFA DE APRENDIZAXE INTEGRADA QUE FIXEMOS NESTE 2º TRIMESTRE FOI ADICADA AOS OFICIOS E PROFESIÓNS ARTESANAIS.

A TRAVÉS DO LIBRO OFICIOS E PROFESIÓNS POEMAS SON, COÑECIMOS ALGÚNS OFICIOS TRADICIONAIS E DECIDIMOS INVESTIGAR SOBRE A ALFARERÍA.

NO NOROESTE AÍNDA ATOPAMOS ESTE OFICIO COS OLEIROS DE BUÑO OU A CERÁMICA DE SARGADELOS. NA ESCOLA VISIONAMOS VÍDEOS E IMAXES DE COMO SE TRABALLAN E SE CREAN AS PEZAS, E ESCOLLEMOS ENTRE OS AMULETOS E FETICHES DE SARGADELOS, UN MODELO CADA UN PARA CREAR A NOSA PEZA DE CERÁMICA.

DÍA DA NON VIOLENCIA E DA PAZ

O DÍA 30 DE XANEIRO CELÉBRASE O DÍA DA NON VIOLENCIA E DA PAZ.

PARA CONMEMORAR ESTA DATA, O EQUIPO DE CICLO DO CRA, PROPUXO UNHA ACTIVIDADE CONTANDO COA AXUDA DE TODAS AS ESCOLAS DO CRA.

CADA ESCOLA TIÑAMOS QUE ESCOLLER 5 PALABRAS SIGNIFICATIVAS SOBRE A PAZ E COA AXUDA DO TRADUCTOR DE GOOGLE, A NOSA ESCOLA TIVO QUE TRADUCILAS AO ITALIANO.

PICANDO NA IMAXE PODEDES VER O GENIALLY E ESCOITAR EN CADA PAÍS AS PALABRAS RELACIONADAS COA PAZ EN DIFERENTES IDIOMAS: ALEMÁN, PORTUGUÉS, INGLÉS, ITALIANO E FRANCÉS.

XA É NADAL

O MARTES, FESTEXAMOS ENTRE TODAS E TODOS A CHEGADA DO NADAL. PERO AO NON PODER XUNTARNOS COAS DEMAIS ESCOLAS DO CRA, CADA ESCOLA REALIZOU UNHA GRAVACIÓN QUE VISIONAMOS ESA MAÑA. SE QUEREDES VELAS, PODEDES VISITAR OS SEUS BLOGS.

NA ESCOLA DE LEDOÑO, FIXEMOS UN VIDEOCLIP COA CANCIÓN DE "PAN DE MILLO" DE MIGALLAS QUE VOS COMPARTIMOS POR AQUÍ  PARA QUE O PODADES VER.

ESPERAMOS QUE VOS GUSTE!

PERO TAMÉN PARTICIPAMOS COA PROFE LORE NUN VIDEOCLIP QUE REALIZOU CON TODO O ALUMNADO DO CRA. PODEDES VELO NO SEU BLOG SE PINCHADES AQUÍ.

REMATAMOS O PRIMEIRO TRIMESTRE DESTE CURSO E COMEZAMOS AS VACACIÓNS DE NADAL.

OS NOSOS MELLORES DESEXOS PARA TODAS E TODOS!

BO NADAL

MARTIÑO E TESTA: CONSEGUIMOS A 2ª ESTRELA

NO ÚLTIMO VÍDEO, MARTIÑO COMENTOUNOS O PROBLEMA ELÉCTRICO QUE TIÑAN NA ESTACIÓN ESPACIAL E PROPÚXONOS COMO SEGUNDA MISIÓN A DE INVESTIGAR COMO FUNCIONAN OS CIRCUÍTOS ELÉCTRICOS.

DESPOIS DE VER O QUE SE PRECISA PARA CREALO E PROBAR COMO FUNCIONA, AVERIGUAMOS COMO PODER SOLUCIONAR ALGÚN QUE OUTRO PROBLEMA ELÉCTRICO. 

ISO FOI O QUE LLE ENVIAMOS A MARTIÑO E RECIBIMOS EMOCIONADAS E EMOCIONADOS A MENSAXE DE TESTA ANTES DE NADAL. 

SE QUEREDES ESCOITALA, PICADE AQUÍ.

PEGAMOS A SEGUNDA ESTRELA NA NOSA TARXETA E PENSAMOS QUEN ERA ESPECIAL PARA NÓS PARA ENVIARLLE A POSTAL QUE TESTA NOS ANIMOU A DECORAR.

DESPOIS DE PENSAR, E PESE A QUE AS NENAS QUE COMEZARON ESTE CURSO NA ESCOLA NON O COÑECÍAN, DECIDIMOS ENTRE TODOS E TODAS, QUE A POSTAL TIÑA QUE SER PARA JOEL, O PROFE DE PRÁCTICAS QUE ESTIVO CON NÓS O CURSO PASADO.